DINAVEL DAILY # குமரியில் இருந்து கடலில் மீன்பிடிக்கச் சென்ற மீனவர் நடுக்கடலில் நெஞ்சுவலியால் சாவு. கன்னியாகுமரி போலீசார் விசாரணை மேற்கொண்டு வருகின்றனர்.

கன்னியாகுமரி: டிச 10

குமரியில் இருந்து கடலில் மீன்பிடிக்கச் சென்ற மீனவர் நடுக்கடலில் நெஞ்சுவலியால் சாவு. கன்னியாகுமரி போலீசார் விசாரணை மேற்கொண்டு வருகின்றனர்.

கன்னியாகுமரி அருகே ஆரோக்கியபுரத்தை சேர்ந்த மீனவர் ததேயூஸ் (43). இவர் உட்பட 5 பேர் ஜோன்ஸ் என்பவருக்கு சொந்தமான படகில் ஆரோக்கியபுரம் கடற்கரையிலிருந்து நேற்று முன்தினம் மாலை கடலுக்கு மீன்பிடிக்க சென்று உள்ளனர்.

இவர்கள் நடுக்கடலில் தூண்டில் போட்டு மீன் பிடித்துக் கொண்டிருந்தனர். அப்போது ததேயூசுக்கு திடீரென நெஞ்சு வலி ஏற்பட்டதாக தெரிகிறது. இதனால் படகில் சுருண்டு விழுந்த அவர் துடிதுடித்து அங்கேயே பரிதாப உயிரிழந்தார். 

இதனை தொடர்ந்து அவருடன் சென்றவர்கள் அவரது உடலை கரைக்கு கொண்டு வந்தனர். கன்னியாகுமரி கடலோர பாதுகாப்பு குழும போலீசார் உடலை மீட்டு பிரேத பரிசோதனைக்காக ஆசாரிபள்ளம் அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.