தினவேல் செய்திகள் - எங்கு பார்த்தாலும் மாற்றுத்திறனாளிகள் மற்றும் வயதானவர்கள் வந்து செல்ல வசதியாக கைப்பிடியுடன் கூடிய சாய்வுதளம் இல்லாமல் இருக்கிறது.

திண்டுக்கல் மாவட்டம் பழனி தாலுகா தும்பலப்பட்டி கிராமத்தில் செயல்படும் அரசு ஆரம்ப சுகாதார நிலையம், நியாய விலைக்கடை, பஞ்சாயத்து அலுவலகம், நூலகம் என எங்கு பார்த்தாலும் மாற்றுத்திறனாளிகள் மற்றும் வயதானவர்கள் வந்து செல்ல வசதியாக கைப்பிடியுடன் கூடிய சாய்வுதளம் இல்லாமல் இருக்கிறது.

இதனால் மேற்கண்ட இடங்களுக்கு செல்லும் அனைவருமே குறிப்பாக நோயாளிகள், மாற்றுத்திறனாளிகள், வயதானவர்கள் சிரமத்திற்கு உள்ளாகும் சூழ்நிலை உள்ளது. எனவே, உடனடியாக மாவட்ட நிர்வாகத்தின் சார்பில் மேற்கண்ட அனைத்து இடங்களிலும் கைப்பிடியுடன் கூடிய சாய்வுதளம் அமைத்து கொடுக்க வேண்டுமாறு கேட்டுக்கொள்ளப்படுகிறது ஊர் பொதுமக்கள்